b d t türkiye bilen girétsiyeni söhbetlerni dawamlashturushqa chaqirdi

türkiye awazi radiyosi xewiri: b d t bash katipi bayanatchisi stéfan dujarik anadolu agéntliqi (AA) muxbirining <girétsiyening xelqaraliq kélishimlerge qarimay, ege déngizidiki bir qisim arallargha herbiy toplawatqanliqi toghrisdiki soaligha jawab bérip: «biz rayondiki jiddiylikning küchiyiwatqanliqi we aféna bilen enqerening bu heqtiki bayanatliridin xewerdarmiz. jiddiylikni kücheytiwétidighan heriket we ipadilerdin saqlinish muhim. bu arqa körünüshte, b d t bash katipi (antoniyo gutérrés) barliq talash - tartishlarning tinch usul bilen hel qilinishi kéreklikini tekrarlaydu hemde girétsiye bilen türkiyeni jiddiy haletni peskuygha chüshürüsh üchün özara söhbetni dawamlashturushqa ilhamlanduridu» dédi.

dujarik yene, b d t ning eza döletlerning igilik hoquqi we déngiz-okyan rayonlirini bashqurush hoquqi mesilisi shundaqla uning qanuniy ölchimi toghrisida pozitsiye bildürmeydighanliqini sözlirige ilawe qildi.

yene bir tereptin, girétsiyediki asasliq öktichi partiye — syrizaning rehbiri alékis chipras, bash ministir kiriyakos michotaks hökümitini dölet tewelikidiki amérika baziliri mesilisi boyiche tenqid qilip, girétsiyening amérika qoshma ishtatlirigha bergen bazilirigha munasiwetlik kélishimning muddetsiz ikenlikini, buning bedilige héchqandaq kapalet almighanliqini tenqid qildi.

girétsiye hökümitining firansiye bilen imzalighan mudapie hemkarliq kélishimidimu kütken qollashqa érishelmigenlikini tilgha alghan chipras, 2021-yili türkiye bilen yéngi bir tamozhna ittipaqi kélishimi imzalash pursitiningmu qoldin ketkenlikini otturigha qoydi.