русийә украинаниң төт районини рәсмий қошувалди

русийә пирезиденти владимир путин украинаниң донетск, луханск, херсон вә запорижйа райониниң русийәгә қошулушиға мунасивәтлик келишимни имзалиди.

1887024
русийә украинаниң төт районини рәсмий қошувалди
putin
aa_picture_20220930_29032424.jpg

түркийә авази радийоси хәвири: владимир путин москвада байанат елан қилип, русийәгә қошулидиған районларни музакирә музакирә қилмайдиғанлиқлирини билдүрүп: «китйев һөкүмитини һәрбий һәрикәтлирини тохтитишқа вә музакирә үстилигә келишкә чақиримиз» деди.

у дунйа йемәк-ичмәк киризиси үстидә тохталғанда: «украинадин чиқирилған ашлиқ йавропа дөләтлиригә кетиватиду. ашлиқниң %5 ила намрат дөләтләргә барди. бу сахтпәзлик вә алдамчилиқ» деди.

у «1-шималий еқим» вә «2-шималий еқим» линйәсини нишан қилған бузғунчилиқлар үстидиму тохталди.

у мундақ деди:

«ғәрбкә ембарголар йәтмиди, балтиқ деңизиниң астидин өтидиған шималий еқим тәбиий газ туруба линйәлиридә партлаш пәйда қилип, бузғунчилиқ қилишқа урунди.»

у сөзини мундақ давамлаштурди:

«ғәрб бу чоң дөләтни тартивелишқа урунди, биз русийә болуш сүпитимиз билән вәйран болмидуқ. һәр даимқидәк қәддимизни тик тутуп туруватимиз, ғәрб җаһангерлики астиға чүшмидуқ. ғәрбниң қаидәлири икки йүзлимичиликтин ибарәт. миңларчә йиллиқ русийә һәргизму башқа бирсиниң ирадәсигә бойун әгмәйду. бундақ милләтчилик русийәдә болуп бақмиған болсиму, ғәрбниң русийә хәлқигә қарши фашистик муамилә қиливатқанлиқини көрүватимиз. өзлири өтмүштики җинайәтлирини етирап қилиш уйақта турсун, у җинайәтлирини башқиларға дөңгәшкә урунуватиду.»



مۇناسىۋەتلىك خەۋەرلەر