русийә херсон вә запорижйа районлириниң аталмиш мустәқиллиқини рәсмий етирап қилди

русийә пирезиденти владимир путин украинада бесивелинған херсон вә запорижйа районлириниң аталмиш мустәқиллиқини етирап қилған қарарнамәни имзалиди.

1886646
русийә херсон вә запорижйа районлириниң аталмиш мустәқиллиқини рәсмий етирап қилди
Vladimir Putin_imza_fərman.jpg

түркийә авази радийоси хәвири:владимир путинниң украинада бесивелинған херсон вә запорижйа районлириниң аталмиш мустәқиллиқини етирап қилған қарарнамәни тәстиқлиши билән, русийә мәзкур районларниң мустәқиллиқини рәсмий етирап қилған болди.

украинадики русийәпәрәс бөлгүнчиләрниң контроллуқидики аталмиш донетск вә луханск хәлқ җумһурийәтлири билән русийә армийәси бесивалған херсон һәмдә запорижйа районлирида 23-сентәбирдин 27-сентәбиргичә русийәгә қошулуш үчүн реферандум өткүзүлгән иди.

кремил сарийи байанатчиси дмитрий песков мәзкур районларниң русийәгә қошулуши үчүн бүгүн (2022-йили 30-сентәбир) мурасим өткүзүлидиғанлиқини билдүргән иди.

русийә донетск вә луханск районлиридики аталмиш бөлгүнчи һөкүмәтләрниң намдики мустәқиллиқини 21-феврал (2022) етирап қилған иди.



مۇناسىۋەتلىك خەۋەرلەر