zéléniski erdoghangha minnetdarliq bildürdi

ukraina pirézidénti wladimir zéléniski tünügün jumhur reis rejep tayyip erdoghan bilen téléfonda körüshkendin kéyin élan qilghan widéoluq bayanatida erdoghangha minnetdarliq bildürdi.

1886420
zéléniski erdoghangha minnetdarliq bildürdi

türkiye awazi radiyosi xewiri: zéléniski, bayanatida, mundaq dédi: «téléfon söhbitimizde, xelqimizni rusiyening asaritidin qutuldurushqa yardem bergenliki üchün, türkiye jumhuriyiti jumhur reisi rejep tayyip erdoghangha yene bir qétim rehmet éyttim. türkiyediki azowstaldin kelgen qomandanlar pat yéqinda ailisidikiler bilen körüsheleydu. bu heqte xizmet ishlewatimiz.»

zéléniski, jumhur reis erdoghan bilen élip barghan téléfon söhbitide, mudapie saheside téximu köp hemkarliq ornitish toghruluq muzakire élip barghanliqlirini eskertti.

jumhur reislik mehkimisi uchur - alaqe ishliri idarisining bildürüshiche, ikki rehberning téléfon söhbitide, 24 – féwral küni bashlanghan rusiye – ukraina urushigha munasiwetlik özgirishler heqqide muzakire élip bérilghan.

jumhur reis erdoghan, téléfon söhbitide, uzun muddet xizmet ishlesh netijiside rusiye – ukraina otturisida esir almashturulushining muweppeqiyetlik halda tamamlanghanliqidin intayin xursen ikenlikini qeyt qilghan.



مۇناسىۋەتلىك خەۋەرلەر