йавропа русийәгә қарши 8-ембаргосини елан қилди

йавропа иттипақи русийәгә қарши сода чәклимилири вә русийә нефитиниң йуқири баһа чекини бекитишни өз ичигә алған 8-ембарго лайиһәсини оттуриға қойди.

1886062
йавропа русийәгә қарши 8-ембаргосини елан қилди

түркийә авази радийоси хәвири:йавропа иттипақи комитети башлиқи урсула фондерлейен, йавропа иттипақи ташқи мунасивәтләр вә бихәтәрлик сийасити алий вәкили җосеп боррел йавропа иттипақиниңйеңи тәклип лайиһәсини елан қилди.

урсула фондерлейен украинаниң шәрқидә русийәпәрәс бөлгүнчиләр өткүзгән «сахта» реферандумни вә украина земинлирини қошувелишни етирап қилмайдиғанлиқлирини тәкитләп, путинниң йадро тәһдити вә сәпәрвәрлик еланиниң җиддийчиликни күчәйткәнликини ейтти.

у бу сәвәбтин йавропа иттипақиниң русийәгә қаритилған 8-ембарго лайиһәсини тәййарлиғанлиқлирини, русийә иқтисадини аҗизлитишни мәқсәт қилғанлиқлирини қәйт қилди.

урсула фондерлейен тәклип қилған вә иҗра қилиш үчүн йавропа иттипақиға әза 27 дөләт тәрипидин тәстиқлиниши керәк болған йеңи ембарго лайиһәсигә асасланғанда, бәзи киши вә идарә-органлар ембарго тизимликигә киргүзүлидикән. сода вә нефит импорт қилишта бәзи чәклимиләр қойулидикән.

бу рамкида, бәзи русийә мәһсулатлирини импорт қилиш чәклиниду. йавропа иттипақи тәпсилати һазирчә ашкариланмиған бу мәһсулатларниң йавропа базириға киргүзүлмәслики сәвәбидин русийәниң 7 милйард йавро киримдин қуруқ қалидиғанлиқи тәхмин қилинмақта.

йавропа иттипақида ишләпчиқирилған бәзи мәһсулатларни русийәдә експорт қилишму чәклиниду. бу арқилиқ русийә армийәсиниң һәрбий саһәдики һайати әһмийәткә игә технологийәләргә игә болалмаслиқи мәқсәт қилиниду. бу мәһсулатлар ичидә авийатсийәдә ишлитилидиған үскүниләр, електронлуқ запчаслар вә химийәлик маддилар бар.

мулазимәт кәспини өз ичигә алған ембарго лайиһәсидә, йавропа иттипақи пуқралириниң русийәдә дөләт игиликидики ширкәтләрниң мудирийитидә болуши чәклиниду.

урсула фондерлейен ембарго лайиһәсиниң русийә нефитиниму өз ичигә алидиғанлиқини әскәртип: «русийә урушни иқтисад билән тәминләш үчүн енергийә йеқилғулирини сетиштин қолға киргүзгән пуллардин пайдилиниватиду. бу лайиһәдә, русийә нефитиниң йуқири баһа чекини бекитиш қануний асасқа игә қилиниду» деди.

йавропа иттипақи ташқи мунасивәтләр вә бихәтәрлик сийасити алий вәкили җосеп боррел ембарго йүргүзүлидиған шәхсләр вә идарә-органларниң тизимликини кеңәйтидиғанлиқлирини билдүрди.

у тизимликниң «укра.ина земинлириниң русийә тәрипдин ишғал қилинишида вә қошувелинишида» һәссиси болғанлардин түзүлгәнликини, буларниң ичидә йуқири дәриҗилик һәрбий мәсуллар, қарар чиқарғучилар, бәзи олигархлар билән тәтүр тәшвиқатчиларниң барлиқини әскәртти.

у 300 миң кишини әскәрликкә чақирип урушни улғайтқанларға «бивастә җаваб» беришни мәқсәт қилғанлиқлирини тәкитлиди.

у донетск, луханск, херсон вә запорижйада «русийәниң вәкили» салаһийитидики русийәлик мәсуллар билән украинаниң төт районида сахта реферадум өткүзгән кишиләрни нишан қилғанлиқлирини билдүрүп, мудапиә санаитидики бәзи кишиләрниму тизимликкә киргүзидиғанлиқлирини қәйт қилди.



مۇناسىۋەتلىك خەۋەرلەر