amérika ukrainagha yene milyard dollarliq herbiy yardem qilidighanliqini jakarlidi

türkiye awazi radiyosi xewiri:amérika aqsaray bayanatchisi karin zhan piyér kündilik axbarat élan qilish yighinida: «amérika ukrainagha yene 1 milyard 100 milyon dollarliq qoral-yaragh we üsküne yardem pilanini élan qilidu. bu ukraina hazirgha qeder urush meydanida ünümlük ishlitip kelgen 18 daneximars rakéta atar sistémisini öz ichige alidu» dédi.

u yene, bu yürüshlük yardem pilanida yüzligen bronéwik, radar sistémisi we uchqularningmu barliqini eskertti.

u ukrainaning sherqide rusiyeperes bölgünchilerning kontrolluqidiki rayonlarda rusiyege qoshulush üchün ötküzülgen référandum üstide toxtilip, mezkur référandumlarni «saxta» dédi.

u bu référandumlarning rusiyening «sénariyeliri» ning bir qismi ikenlikini bildürüp, mundaq dédi:

«bu référandumlar süniy we kontrol qilinghan. ukraina puqraliri qoralliq küchlerning bésimi astida bélet tashlidi. biz qoralliq dairilerning bélet tashlash merkizining derwazisi aldida ukrainaliqlargha bésim qiliwatqanliqini we kochidiki kishilerni bélet tashlashqa mejburlighanliqini körsitidighan sinlarni körduq. bular atalmish référandumlar bolup, rusiyening yolyoruqini anglaydighan we qorchaq hökümetler teripidin emelge ashurulghan xata référandumdur. yuqirida tilgha élinghan référandumlarning netijisi nechche ay ilgiri krémil sariyi teripidin békitilgen. krémil sariyi nechche ay ilgiri ukraina xelqining rusiyege qoshulushini xalaydighanliqi toghrisidiki yalghanchiliqni uydurup chiqardi. emma, del eksiche, biz ukrainaliqlarning buni xalimaydighanliqini körüwatimiz. ukraina xelqi musteqilliqi üchün küresh qiliwatidu.»

u axirida, rusiyening mezkur référandumlardinukrainani «qoshuwélish üchün» paydilinishining xelqara qanungha xilap ikenlikini tekitlep: «biz héchqachan qanunsiz qoshuwélish urunushlirini hergiz qollimaymiz. rusiyening dewaliri qandaq bolushidin qetiynezer, bu rayonlar ukraina zéminidur» dédi.