нато: ул-әслиһәләргә қилинған һуҗумларға кәскин җаваб қайтурулиду

шималий атлантик әһди тәшкилати-нато иттипақдашларниң һалқилиқ ул-әслиһәлиригә қилинған һуҗумларға қайтурулидиған җавабниң кәскин болидиғанлиқини билдүрди.

1886416
нато: ул-әслиһәләргә қилинған һуҗумларға кәскин җаваб қайтурулиду

түркийә авази радийоси хәвири:нато «1-шималий еқим» вә «2-шималий еқим» тәбиий газ туруба линйасиниң бузулушини «бузғунчилиқ селиш» ниң кәлтүрүп чиқарғанлиқини, иттипақдашларниң һалқилиқ ул-әслиһәлиригә қилинған һуҗумларға қайтурулидиған җавабниң кәскин болидиғанлиқини билдүрди.

натониң қарар чиқириш оргини болған «шималий атлантик кеңиши», туруба линйәсидики газ сизишиниң зийини тоғрисида байанат елан қилди.

натоға әза болуш үчүн илтимас сунған финландийә билән шиветсийәниң, бу байанатқа қетилғанлиқи қәйт қилинди.

байанатта, балтиқ деңизиниң хәлқара деңиз тәвәликидики «1-шималий еқим» вә «2-шималий еқим» тәбиий газ туруба линйәсиниң бузулуши, кишини чоңқур әндишигә салидиғанлиқи әскәртилди вә мунулар байан қилинди:

«һазир қолимиздики барлиқ учурлар, қәстән вә мәсулийәтсизлик билән қилинған бузғунчилиқ қилинғанлиқини көрситип бериду. газ сизиш деңиз вә муһитқа еғир зийан салиду. биз бузғунчилиқниң мәнбәсини тәкшүрүп ениқлашни қоллаймиз. иттипақдашларниңһалқилиқ ул-әслиһәлиригә қилинған һәр қандақ һуҗумға кәскин җаваб қайтурулиду.»



مۇناسىۋەتلىك خەۋەرلەر