yéns stolténbérg: nato bilen rusiye urushup qalsa, ehwal téximu xeterlik bolidu

shimaliy atlantik ehdi teshkilati — nato bash katipi yéns stolténbérg: «eger biz rusiye pirézidénti wiladimir putinning yadro qorali toghrisidiki rétorik xitablirini qayta - qayta anglisaq, uninggha estayidil muamile qilishimizgha toghra kélidu» dédi.

1885528
yéns stolténbérg: nato bilen rusiye urushup qalsa, ehwal téximu xeterlik bolidu

türkiye awazi radiyosi xewiri: yéns stolténbérg sotsiyalistlar we démokratlar guruppisining yawropa parlaméntidiki yighinidiki sözide, natoning ukraina urushigha munasiwetlik <ukrainani qollash we toqunushning keskinliship kétishining aldini élishtin ibaret ikki türlük wezipisi> barliqini otturigha qoydi.

bash katip stolténbérg, rusiyening yéqinqi künlerde «saxta référandum (omumiy xelq awazgha qoyush paaliyiti), yadro aldamchiliqi, qoralliq küchlerni seperwer qilish» qatarliq qedemlerni tashlash arqiliq toqunushni kücheytiwetkenlikini tekitlep: «bizning sözimiz shuki, yadro qorallirini ishlitish qetiy qobul qilinmaydu. bundaq qilish toqunushning mahiyitini pütünley özgertiwétidu. rusiye yadro urushida ghelibe qilghili bolmaydighanliqini, bundaq urushni qetiy qilmasliq kéreklikini bilishi kérek» dédi.

u sözini dawamlashturup: «putinning yadro qorali toghrisidiki rétorik xitablirini qayta - qayta anglisaq, uninggha estayidil muamile qilishimizgha toghra kélidu. shunga, buning rusiyege éghir aqiwetlerni élip kélidighanliqini we yadro urushini qetiy qilmasliq kérekliki uchurini roshen shekilde bildürimiz. uningdin kéyin bashqa bir xil jiddiyleshtürüsh haliti otturigha chiqidu. bu ukrainadin halqighan jiddiychilik bolidu. nöwette ukrainada dawamlishiwatqan urush ukraina xelqi üchün nachar we pajielik bir urush, elwette. emma nato bilen rusiye otturisidiki toluq qorallanghan halettiki bir urush téximu nachar bolidu» dégenlerni qeyt qildi.


خەتكۈچ: #uyghurche , #yadro , #rusiye , #nato

مۇناسىۋەتلىك خەۋەرلەر