sholz: putin xataliqning üstige xataliq ötküzüwatidu

türkiye awazi radiyosi xewiri: gérmaniye bash ministiri olaf sholz bayanat élan qilip, putinning qismen seperwerlik qarari toghrisida toxtaldi.

u: «bu rusiye armiyesining ukrainaning sherqidiki muweppeqiyetsizliklirige qarshi alaqzadilik bilen qayturulghan inkasi. bu ehwal rusiyede éghir xatirjemsizlik peyda qilidu. putin xataliqning üstige xataliq ötküzüwatidu» dédi.

u 24-féwraldin (2022) tartip dawamlishiwatqan ukraina urushi sewebidin rusiyege qarshi yürgüzülgen émbargolar toghrisida mundaq dédi:

«émbargolar intayin ünümlük boldi. émbargolarning meqsiti rusiye hökümitige özining herikitining pütünley menisiz ikenlikini hés qildurush.wladimir putin eskerlirini chékindürüp, andin kiyéw bilen bolghan söhbetke ehmiyet bérish arqiliq bu urushni derhal axirlashturalishi mumkin.»

u ukrainada weziyetning nahayiti jushqun ikenlikini bildürüp, her daim ukrainaning weziyitini közitip turuwatqanliqlirini eskertti.

u: «biz ukrainagha bergen qorallarning ünümi yuqiri. men bezide bezi tenqidchilerning biz ukrainagha peqet qalpaqla béridighandek gep qilishidin heyran qalimen» dédi.