xitayning üch paraxoti yaponiye déngiz tewelikige kirdi

türkiye awazi radiyosi xewiri: yaponiye déngiz sahili xewpszlik qismi bu yil (2022) 27-qétimliq déngiz tewelikige xilapliq qilish dep xatirilengen heriketning, shu yer waqti 03:15 etrapida yüz bergenlikini élan qildi.

igilinishche, yaponiyening charlash paraxotliri yaponiyening béliqchiliq kémilirige egishiwalghan xitay paraxotlirini özlirining déngiz tewelikidin chiqip kétishi toghrisida agahlandurghan.

yaponiye hökümiti bu ehwalning xelqara qanungha xilapliq qilghanliq ikenlikini tekitlep, béyjinggha diplomatik yollar arqiliq naraziliq bildürülgenlikini élan qildi.

béyjingning herikitini «intayin epsuslinarliq we pütünley qobul qilghili bolmaydu» dep teswirligen yaponiye kabéntining muawin katipi yoshixiko isozaki, xitay bilen bolghan munasiwette dawamliq tinch we qetiy iradeni namayan qilidighanliqlirini bildürdi.

béyjingning bu qétimqi chégragha xilapliq qilishining, yaponiye-xitay diplomatik munasiwiti normallashqanliqining 50 yilliqi bolghan 29-séntebirdin bir qanche kün ilgiri yüz bérishi alahide diqqet qozghidi.

sherqiy déngizgha jaylashqan sénkaku arili yaponiyening kontrolluqida bolup, xitay bilen teywenmu üstide igilik hoquqi barliqini ilgiri sürüwatqan mezkur arallar, chégragha xilapliq qilish xewerliri bilen daim küntertipke kélip turidu.