русийә йапонийә консулини тутқун қилди

түркийә авази радийоси хәвири:русийә федератсийә хәвпсизлик идариси йапонийәниң владивосток консули мотоки татсунориниң тутулғанлиқи тоғрисида байанат елан қилди.

байанатта: «йапонийәниң владивосток консули мотоки татсунори <русийәниң бир асийа-тинч окйан дөлити билән һәмкарлиқ орнитиш вә ғәрбниң ембарго сийаситиниң приморский районидики иқтисадий вәзийәткә көрситидиған тәсирлири> һәққидә тарқилиши чәклик болған учурларни пул берип сетивеливатқанда тутулди» дейилди.

русийәниң москвадики йапонийә әлчиханисиға вәқәгә мунасивәтлик наразилиқ хети тапшурғанлиқи әскәртилгән байанатта, консул мотоки татсунориниң дипломатик салаһийәткә хилап һәрикәт қилғанлиқи сәвәбидин «қарши елинмайдиған киши» елан қилинғанлиқи қәйт қилинди.