rusiye urush ayropilanliri süriyede panahlanghuchilar lagérini bombardiman qildi
süriyede beshshar esed hakimiyitini qollawatqan rusiye urush ayropilanliri kefer lusin rayonidiki panahlanghuchilar lagérigha hujum qildi we hujumda 8 puqra yarilandi.
1885263
türkiye awazi radiyosi xewiri: rusiye urush ayropilanliri idlibning yéza - qishlaqlirigha jaylashqan kefer lusin rayonidiki panahlanghuchilar lagérini bombardiman qildi.
yerlik menbelerning bayanatida, hujumda 8 puqraning yarilanghanliqi we ulardin birsining ehwalining éghir ikenliki bildürüldi.
bir mektepke yéqin jaygha qilinghan hawa hujumi qattiq qorqunch peyda qildi. hujum rayonidin is - tütekler kötürüldi, ösmürler we ularning aile-tawabiatlirining qorqup qéchishqanliqi körüldi.
yarilanghanlar, neq meydangha yétip kelgen xelq mudapie etriti teripidin doxturxanigha yetküzüldi.
