zéléniskéy ukrainaning «nasams»ni tapshurup alghanliqini uqturdi

ukraina pirézidénti wiladimir zélénskiy, kiyéwning amérika teminligen ilghar tiptiki quruqluqtin hawagha qoyup bérilidighan bashqurulidighan bomba sistémisi — nasamsni tapshurup alghanliqini bildürdi.

1884346
zéléniskéy ukrainaning «nasams»ni tapshurup alghanliqini uqturdi

türkiye awzi radiyosi xewiri: wiladimir zélénskiy, CBS News qanilining margarét brénnan riyasetchilik qilghan mexsus söhbet pirogrammisigha qatniship, 24-féwraldin buyan dawam qiliwatqan ukraina-rusiye urushigha munasiwetlik eng yéngi özgirishler heqqide melumat berdi we ukrainani üzlüksiz qollawatqan amérika pirézidénti jo baydin hemde amérika dölet mejlisige minnetdarliq bildürüp: «nasams hawa mudapie sistémilirini tapshurup alduq» dédi.

u, bu sistémilarning mektep we doxturxana qatarliq ul eslihelerni rusiyening hujumliridin qoghdash üchün yéterlik emeslikige isharet qilip, ukrainaliqlarning yurtlirigha qaytip kélishi üchün, ularni zörür bolghan bixeterlik we iqtisadiy yardemler bilen teminleshliri kéreklikini tekitlidi.

zélénskiy amérikadin tanka telep qilip: «eger amérika özining rehberlik ornini namayan qilip, bizge tanka berse, gérmaniye we yawropadiki bashqa döletler bu qedemge egishidu. eger biz amérikadin tanka sétiwalsaq, yawropadiki ittipaqdashlarningmu ukraina sheherlirini tankilarning ishghaliyitidin qutuldurushimizgha yardem qilidu, dep oylaymen» dédi.

wiladimir zélénskiy, rusiyening ukrainaning bezi jaylirida ötküzgen omumiy xelq bélet tashlash paaliyetlirige isharet qilip: «bular (rusiye pirézidénti wiladimir) putinning bu urushni axirlashturmaydighanliqining xeterlik signalidur» dédi.

u brénnanning «putin hakimiyet béshida turidighanla bolsa, yawropada tinchliqning hökümran bolidighanliqigha ishinemsiz?» dégen soaligha: «yaq, buning peqet birla jawabi bar, u  bolsimu <yaq>» dep jawab berdi.


خەتكۈچ: #uyghurche , #nasams , #amérika , #ukraina

مۇناسىۋەتلىك خەۋەرلەر