зеленискей украинаниң «насамс»ни тапшуруп алғанлиқини уқтурди

украина пирезиденти виладимир зеленский, кийевниң америка тәминлигән илғар типтики қуруқлуқтин һаваға қойуп берилидиған башқурулидиған бомба системиси — насамсни тапшуруп алғанлиқини билдүрди.

1884346
зеленискей украинаниң «насамс»ни тапшуруп алғанлиқини уқтурди

түркийә авзи радийоси хәвири: виладимир зеленский, CBS News қанилиниң маргарет бреннан рийасәтчилик қилған мәхсус сөһбәт пирограммисиға қатнишип, 24-февралдин буйан давам қиливатқан украина-русийә урушиға мунасивәтлик әң йеңи өзгиришләр һәққидә мәлумат бәрди вә украинани үзлүксиз қоллаватқан америка пирезиденти җо байдин һәмдә америка дөләт мәҗлисигә миннәтдарлиқ билдүрүп: «насамс һава мудапиә системилирини тапшуруп алдуқ» деди.

у, бу системиларниң мәктәп вә дохтурхана қатарлиқ ул әслиһәләрни русийәниң һуҗумлиридин қоғдаш үчүн йетәрлик әмәсликигә ишарәт қилип, украиналиқларниң йуртлириға қайтип келиши үчүн, уларни зөрүр болған бихәтәрлик вә иқтисадий йардәмләр билән тәминләшлири керәкликини тәкитлиди.

зеленский америкадин танка тәләп қилип: «әгәр америка өзиниң рәһбәрлик орнини намайан қилип, бизгә танка бәрсә, германийә вә йавропадики башқа дөләтләр бу қәдәмгә әгишиду. әгәр биз америкадин танка сетивалсақ, йавропадики иттипақдашларниңму украина шәһәрлирини танкиларниң ишғалийитидин қутулдурушимизға йардәм қилиду, дәп ойлаймән» деди.

виладимир зеленский, русийәниң украинаниң бәзи җайлирида өткүзгән омумий хәлқ беләт ташлаш паалийәтлиригә ишарәт қилип: «булар (русийә пирезиденти виладимир) путинниң бу урушни ахирлаштурмайдиғанлиқиниң хәтәрлик сигналидур» деди.

у бреннанниң «путин һакимийәт бешида туридиғанла болса, йавропада тинчлиқниң һөкүмран болидиғанлиқиға ишинәмсиз?» дегән соалиға: «йақ, буниң пәқәт бирла җаваби бар, у  болсиму <йақ>» дәп җаваб бәрди.



مۇناسىۋەتلىك خەۋەرلەر