ирандики намайишлар җәрйанида 20 йашлиқ бир қиз һайатидин айрилди

ирандики наразилиқ намайишлири давамлишиватқан бир пәйттә кәрәҗ наһийәсидә һәдис нәҗәфи исимлик бир йаш қиз хәвпсизлик күчлириниң оқи тегип җенидин айрилди.

1884405
ирандики намайишлар җәрйанида 20 йашлиқ бир қиз һайатидин айрилди

түркийә авази радийоси хәвири: иранда маһса әмининиң «һиҗаблиниш бәлгилимилиригә реайә қилмиғанлиқи» илгири сүрүлүп назарәт астиға елинип қамақханида һайатидин айрилишидин кейин башлинип кәткән намайишлар давамлишиватқан бир пәйттә, кәрәҗ шәһиридә  һәдис нәҗәфи исимлик бир йаш қиз хәвпсизлик күчлириниң оқи тегип җенидин айрилди.

өктичиләрниң «IranWire» хәвәрләр тори, 21 – сентәбир кәрәҗ наһийәсидики намайишта бәдининиң бир қанчә йеригә хәвпсизлик қисимлириниң оқи тегип йариланған 20 йашлиқ һәдис нәҗәфиниң дохтурханида өлүп кәткәнликини хәвәр қилди.

иҗтимаий таратқулардики хәвәрләргә қариғанда, һәдис нәҗәфиниң сиңлиси ачисиниң аләмдин өткәнликини җәзмләштүргән.

13 – сентәбир иранниң пайтәхти теһранда «әхлақ сақчиси» дәп атилидиған «иршад чарлаш хадимлири» тәрипидин тутуп кетилгәндин кейин саламәтиликидә өзгириш көрүлүп балнистқа елинған 22 йашлиқ маһса әмининиң 16- сентәбир һайатидин айрилиши күчлүк наразилиқ пәйда қилғаниди.

әмини 17 – сентәбир йурти саккизда дәпнә қилинғандин кейин башланған намайишлар қисқа вақит ичидә дөләтниң нурғун шәһәрлиригә кеңийип кәткәниди.



مۇناسىۋەتلىك خەۋەرلەر