ирандики намайишта өлгәнләрниң сани 41 гә йәтти

иранда 22 йашлиқ махса амини әхлақ сақчилири тәрипидин қолға елинип вапат болғандин кейин башланған намайишта өлгәнләрниң сани 41 гә йәтти.

1884151
ирандики намайишта өлгәнләрниң сани 41 гә йәтти

түркийә авази радийоси хәвири: пайтәхт теһранда 13 - синтәбирдә әхлақ сақчилири тәрипидин йағлиқ артиш бәлгилимисигә әмәл қилмиғанлиқи үчүн назарәткә елинған махса амини 16 - синтәбирдә вапат болғандин кейин, «әхлақ сақчисилириға» вә «мәҗбурий йағлиқ артиш» бәлгилимилиргә қарши башланған намайиш давамлашмақта.

иран дөләт телевизийә истансисиниң хәвиригә асасланғанда, пүтүн мәмликәт миқйасидики намайишларда сақчи вә инқилабни муһапизәт қилиш қисимлириға тәвә бесик қораллиқ әтрәтлири әзаси болуп җәмий 41 киши һайатидин айрилған.

хәвәрдә қаза қилғанларниң саниға мунасивәтлик рәсмий байанатниң һөкүмәт тәрипидин елан қилинидиғанлиқи тәкитләнди.

теһран сақчи тармақлири амининиң бәлгилимигә уйғун болмиған шәкилдә йағлиқ артқанлиқи үчүн  қолға елинғанлиқини вә сақчиханида һечқандақ җисманий чиқилиш болмастин қаза қилғанлиқини елан қилған иди.  


خەتكۈچ: #намайиш , #иран

مۇناسىۋەتلىك خەۋەرلەر