иран ирақниң шималидики бөлгүнчи кордларниң базилириға һуҗум қилди

иран «дөләт ичидә қалаймиқанчилиқ пәйда қилиш үчүн чегра районлириға қораллиқ гуруппиларни вә қоралларни әвәтти» дәп ейиблигән ирақниң шималидики бөлгүнчи корд тәшкилатлириниңбазилирини топқа тутти.

1884089
иран ирақниң шималидики бөлгүнчи кордларниң базилириға һуҗум қилди

 

түркийә авази радийоси хәвири: иран «дөләт ичидә қалаймиқанчилиқ пәйда қилиш үчүн чегра районлириға қораллиқ гуруппиларни вә қоралларни әвәтти» дәп ейиблигән бөлгүнчи комәлә вә иран курдистан демократик партийиси (IKDP) тәшкилатлириниң ирақниң шималидики мәркәзлиригә зәмбирәк билән зәрбә бәргәнликини елан қилди.

иранниң рәсмий хәвәр агентлиқи <IRNA> ниң инқилабни муһапизәт қилиш армийиәсиниң байанатини мәнбә қилған хәвиригә асасланғанда, ирақниң шималиға җайлашқан «террорлуқ» гуруппилириниң мәркизи иран инқилабни муһапизәт қилиш армийиәсигә тәвә қуруқлуқ қисимлири тәрипидин зәмбирәк билән һуҗум нишани қилинған.

хәвәрдә, мәзкур тәшкилатларниң йеқинқи күнләрдә иран земиниға сиңип кирип, дөләтниң ғәрбий шималидики бир қисим чегра тәкшүрүш понкитлириға һуҗум қилғанлиқи билдүрүлди.

йерим рәсмий хәвәр агентлиқи <фарс> ниң хәвиридә болса, қораллиқ гуруппилар вә зор миқдардики қораллар комәлә вә иран курдистан демократик партийәси тәшкилатлири тәрипидин дөләт ичидә қалаймиқанчилиқ пәйда қилиш үчүн чегра районға әвәтилгәнлики, иран инқилабни муһапизәт қилиш армийәсиниң мәзкур тәшкилатларниң базилирини зәмбирәк билән пачақлап ташиғанлиқи билдүрүлди.

иран тәрипидин «терорлуқ тәшкилати» дәп қобул қилинған комәлә вә IKDP тәшкилатлири узун йиллардин буйан шималий ирақ корд районлуқ һөкүмитигә қарашлиқ районлардики лагерларда панаһланмақта иди.


خەتكۈچ: #һуҗум , #ирақ , #иран

مۇناسىۋەتلىك خەۋەرلەر