7 – g guruhi rusiyening ukrainadiki référandumini qattiq eyiblidi

türkiye awazi radiyosi xewiri: gérmaniye, amérika qoshma ishtatliri, engliye, firansiye, italiye, yaponiye we kanadadin teshkil tapqan 7 – g guruhi teripidin bu heqte élan qilinghan birleshme yazma bayanatta, mundaq déyildi: «rusiyening hujumlirigha duch kéliwatqan ukrainaning qanuniy salahiyitini özgertiwétish üchün yalghan bir bahane oydurup chiqirishni meqset qilghan référandumlarni qattiq eyibleymiz. derweqe, birleshken döletler teshkilatining qararliri we xelqara qanunni ochuq - ashkara halda depsende qiliwatqan bu  référandumlar, xelqara qanunning üstünlüki pirinsipighimu pütünley  xilaptur.»

«oydurma référandumlar héchqandaq qanuniy küchke ige emes. 7 – g guruhi elliri, mezkur rayonlarning rusiyege tewe bolushini esla étirap qilmaydu.»

«qismen herbiy seperwerlik we mesuliyetsizlarche yadro bayanatlirini öz ichige alghan rusiyening meqsetlik jiddiychilikni téximu ewj alduruwétidighan qedemlerni tashlishini qattiq eyibleymiz. shuning bilen bir waqitta, barliq döletlerni, rusiyening xelqara qanunni depsende qilish qilmishlirini yépish üchün yalghan bahane oydurup chiqirish teshebbusi bolghan bu oydurma référandumlirini qetiy ret qilishqa chaqirimiz.»

«ukrainaning igilik hoquqi we zémin pütünlükini qoghdash, özini mudapie qilish hem kélechikini tallash üchün éhtiyaj boluwatqan yardemlerni bérishni dawamlashturush mesiliside  iradimiz qetiydur.»

«ukrainagha maliye, insanperwerlik, herbiy, diplomatik we qanuniy jehettin dawamliq yardem qilimiz. 25 – öktebir küni bérlinda ötküzülidighan <ukrainani eslige keltürüsh, qayta qurup chiqish we zamaniwilashturush> témiliq yighininimu öz ichige alghan bu döletni qayta qurush tirishchanliqlirini ilgiri sürimiz. qanchilik waqit kétishidin qetiynezer, biz dawamliq ukraina terepte ching turimiz.»