amérika: arakanliqlargha insanperwerlik yardem bérildi
amérika qoshma ishtatliri birmaning ichi-sirtida yashawatqan arakanliqlardin sirt yene, bangladéshtiki sahibxan jemiyetler üchün 170 milyon dollardin artuq insanperwerlik yardem bérilgenlikini bildürdi.
türkiye awazi radiyosi xewiri: amérika qoshma ishtatliri tashqi ishlar ministiri antoni blinkén, axbarat élan qilish yighinida, 2017 – yili awghusttin buyan arakanliqlar duch kéliwatqan kirizisni hel qilish meqsitide 1 milyard 900 milyon dollar yardem bérilgenlikini tekitlep mundaq dédi: «biz bashqa iane qilghuchilarni insanperwerlik yardemlerge küchlük shekilde töhpe qoshushqa we birmada zorawanliqning qurbanlirigha bolghan yardemni ashurushqa chaqirimiz. birmaning shert - sharaiti öy – makanliridin ayrilip qalghan arakanliqlarning bixeter, ixtiyariy yosunda, izzet-hörmitini qoghdighan asasta dawamliq qaytishigha we qayta orunlishishigha tosalghu boluwatidu. bangladésh hökümiti, arakan we birma dairiliri bilen hemkarliship, krizisni hel qilish charisi izdewatimiz.»
igilinishiche, bangladésh, 2017-yili awghust éyida birmada yüz bergen herbiy basturushtin kéyin, rakhiné ölkisidin qachqan 1 milyon 200 mingdin artuq arakan musulmanlirigha sahibxaniliq qilmaqta iken.
