tebbun eliyéwni ereb elliri ittipaqi bashliqlar yighinigha <eziz méhman> süpitide teklip qildi

türkiye awazi radiyosi xewiri: aljiriye tashqi ishlar ministirliqi yazma bayanat élan qilip, birleshken döletler teshkilati (b d t) omumiy kéngishining 77-qétimliq bashliqlar yighinigha ishtirak qilish üchün amérikaning  nyuyork shehiride turuwatqan aljiriye tashqi ishlar ministiri ramtan lamamraning ezerbeyjanliq mensepdishi jeyhun bayramow bilen körüshkenlikini uqturdi.

bayanatta, pirézidént tebbunning ezerbeyjan pirézidénti ilham eliyéwni ittipaq tüzmeslik herikitining nöwettiki bashliqi salahiyiti bilen noyabirda aljiriyede ötküzülmekchi bolghan ereb elliri ittipaqi bashliqlar yighinigha eziz méhman süpitide teklip qilghanliqi qeyt qilindi.

ministir lamamra pirézidént tebbunning teklipnamesini ezerbeyjanliq mensepdishi bayramowgha bergenlikige isharet qilinghan bayanatta, ikki ministirning ittipaq tüzmeslik herikitining xelqara sehnidiki jiddiychiliklerni peskuygha chüshürüsh jehettiki rolini aktiplashturush toghrisida pikir almashturghanliqi  bildürüldi.