зелениски әрдоғанға миннәтдарлиқ билдүрди

украина пирезиденти владимир зелениски түркийәниң мурәссәчиликидә русийә билән әсир алмашурулғандин кейин бу дөләткә қайтурулған 215 украиналиқ үчүн җумһур рәис әрдоғанға миннәтдарлиқ билдүрди.

1883098
зелениски әрдоғанға миннәтдарлиқ билдүрди

түркийә авази радийоси хәвири: зелениски,  әсиралмаштуруш нәтиҗисидә украинаға қайтурулған азов баталийони командирилири билән видео конферанс васитиси арқилиқ көрүшти.

«русийәниң асаритидин қутулған» қоманданларни тәбриклигән зелениски,  русийә билән алмаштурулған әсирләр арисида өлүм җазасиға һөкүм қилинғанларниңму барлиқини әскәртти, һәмдә бу һәқтә мурәссәчилик қилғанлиқи үчүн, җумһур рәис рәҗәп таййип әрдоғанға миннәтдарлиқ билдүрди.

у, алмаштурулғанлар арисидики 5 әсирниң азов баталийониниң 5 әзаси икәнликини, бихәтәрликини көздә тутуп, уларниң вақитлиқ түркийәдә туридиғанлиқини тәкитләп мундақ деди: «җумһур рәис әрдоған билән телефонда көрүштүм. азов баталийониниң 5 қомандани әрдоғанниң алаһидә контроллуқида түркийәдә бихәтәр һалда туриду. бу мунасивәт билән, җумһур рәис әрдоғанға йәнә бир қетим миннәтдарлиқ билдүримән.»

у йәнә, әсир алмаштуруш даирисидә русийәгә 55 әскәрни қайтуруп бәргәнликлириниму сөзлиригә илавә қилди.дөлитимиз (түркийә җумһурийити) җумһур рәиси рәҗәп таййип әрдоған, русийә пирезиденти виладимир путин вә украина пирезиденти владимир зелениски билән елип бериливатқан қойуқ дипломатийәси нәтиҗисидә, икки дөләт оттурисида 200 уруш әсириниң бүгүн алмаштурулғанлиқини билдүргәниди.

у, америка қошма иштатлириниң нийу йорк шәһиридики түркөйидә журналистлар билән америка зийарити һәққидә өткүзгән сөһбитидә, русийә – украина оттурисидики әсир алмаштурушниң, (икик дөләт оттурисида 24 – феврал күни башланған) урушқа хатимә берилиши йолида ташланған муһим бир қәдәм икәнликини, тинчлиқ орнитиш йолида давамлиқ тиришчанлиқ көрситиливатқанлиқини ейтқаниди.

әсир алмаштурушқа имканийәт йаритип бәргәнлики үчүн, русийә пирезиденти виладимир путин билән украина пирезиденти владимир зеленискиға тәшәккүр ейтқан җумһур рәис әрдоған, мундақ дегәниди: «бу басқучта ғәйрәт көрсәткән барлиқ хизмәтдашлиримғиму рәһмәт ейтимән.»

йәнә бир тәрәптин, америка қошма иштатлири дөләт хәвпсизлик ишлири мәслиһәтчиси җейк сулливан, аммиви ортақлишиш тор бети Twitter сәһиписидә, украина билән русийә оттурисидики әсир алмаштурушта  мурәссәчилик қилғанлиқи үчүн түркийәгә миннәтдарлиқ билдүрүп, мундақ дегәниди: «ашлиқ келишимидики рәһбәрликидин сирт йәнә, украина – русийә оттурисидики әсир алмаштурушта мурәссәчилик қилғанлиқи үчүн, түркийә һөкүмитигә рәһмәт ейтимән.»



مۇناسىۋەتلىك خەۋەرلەر