émmanuél makron xelqarani wiladimir putingha eng éghir bésim ishlitishke chaqirdi
firansiye pirézidénti émmanuél makron xelqarani rusiye prézidénti wiladimir putingha eng éghir bésim ishlitishke chaqirdi.
türkiye awazi radiyosi xewiri: émmanuél makron nyuyorkta birleshken döletler teshkilati yadro bixeterliki yighinidin ilgiri bayanat élan qildi.
makron muxbirlarning putinning qismen herbiy seperwerlik uqturushi toghrisidiki soaligha jawab bérip, «elwette rusiye pirézidénti putinning yéqinqi saetlerde qismen herbiy seperwerlik chaqiriqi élan qilishni tallishigha, dölitini we dölitining yashlirini urushqa sörep kirishige epsuslandim» dédi.
24 - féwraldin buyan dawamlishiwatqan ukraina-rusiye urushigha qarita özining hindistandin kéyin xitaydimu urush toxtitishni telep qilghanliqini eskertken makron: «rusiye barghansiri yalghuzlashmaqta. emdilikte rusiyening tallighan yolini héchkishi chüshenmeydu» dédi we xelqara jemiyetni putingha urushni axirlashturushi üchün eng éghir bésim ishlitishke chaqirdi.
«putin urush sewiyisini ashurushni qarar qildi» dégen makron, buning rosiye, rusiye xelqi we rusiye yashliri üchün shum xewer bolghanliqini bildürdi.
rusiye pirézidénti putin tünügün dölet qanallirida tarqitilghan xitabnamisida, qismen herbiy seperwerlik élan qilghanliqini we zörür tépilghanda (yadro qorallirini ima qilghan halda) qolidiki barliq imkaniyetlerni ishlitishtin ikkilenmeydighanliqini jakarlighan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.