nigériyede bir chérkawgha qilinghan hujumda 45 kishi görüge tutup kétildi

türkiye awazi radiyosi xewiri: jenubiy kaduna xelq birleshmisining reisi awémi maysamiri yerlik taratqulargha bergen bayanatida, motsiklitliq we qoralliq kishilerning kaduna ölkisige qarashliq kajuru rayonidiki bir chérkawgha hujum qilghanliqini éytti.

maysamari hujumda chérkaw we uning etrapidin 45 kishining tutup kétilgenlikini, nurghun kishining yarilanghanliqini bildürdi.

maysamari qoralliq unsurlar teripidin tutup kétilgen bir qisim kishilerning ailisidikiler bilen alaqilashqanliqini we tölem telep qilinghanliqini éytti.

nigériye qoralliq unsurlarning motsiklitler bilen hujum qilishni köpeytishi sewebidin bir qisim ölkilerde motsiklit ishlitish cheklengen idi.

nigériyede gerche görüge adem tutup kétishning jazasi ölüm bolsimu, emma tölem üchün tutqun qilish hadisliri köp uchraydu.

nigériyening künséri küchiyiwatqan bixeterlik mesilisige qarshi küresh dairiside, qoralliq unsurlargha tölem töleshmu meniy qilinghan idi.