маки сал: африқа йеңи соғуқ урушниң мәркизий болушни халимайду

африқа иттипақи нөвәтчи рәиси вә сенегал пирезиденти маки сал қитәдики террорлуққа қарши күрәштә дунйаниң қоллишиниң муһимлиқини билдүрди.

1882642
маки сал: африқа йеңи соғуқ урушниң мәркизий болушни халимайду

түркийә авази радийоси хәвири: африқа иттипақи нөвәтчи рәиси вә сенегал пирезиденти маки сал нийу йоркта давамлишиватқан 77-нөвәтлик б д т омумий кеңәш йиғинида сөз қилди.

у африқада барғансери еғирлишиватқан террорлуқ мәсилилириниң пәқәт африқа қитәсиниң мәсилиси болупла қалмастин, бәлки йәнә дунйаға тәһдит селиватқан мәсилә икәнликини билдүрди.

у б д т хәвпсизлик кеңишиниң африқани өз ичигә алған хәлқара тинчлиқ вә хәвпсизликиниң капалити икәнликини хатирилитип, кеңәшни техиму үнүмлүк механизмлар арқилиқ африқадики террорлуққа қарши күрәшни қоллашқа тәклип қилди.

у б д т ниң дәврниң роһиға вә еһтийаҗлириға мас келидиған башқуруш шәклидин пайдилинишниң вақти кәлгәнликини билдүрүп, африқа дөләтлириниң б д т бихәтәрлик кеңиши ичидин орун елиш тәлипини қоллаш керәкликини оттуриға қойди.

у йәнә, африқадики 1.5 милйард кишиниң һайатиға тәсир қарарлар елинидиған «G20» дөләт гуруһи ичидиму африқа иттипақиниң болуши тәлипиниму йәнә бир қетим оттуриға қойди.

у килимат өзгиришиниң африқа дөләтлиригә көрситидиған тәсирини көрситип, дунйани әң аз булғиған вә санаәтлишиштә арқида қалған африқаниң бу бошлуқини толдуруш үчүн фосил йеқилғуларға охшаш тәбиий енергийә мәнбәләрдин пайдилинишниң интайин адил һәмдә мувапиқ икәнликини байан қилди.

у африқаниң барлиқ шериклири билән өзара һөрмәт қилишни асас қилған мунасивәттә һәмкарлишишқа тәййар икәнликини тәкитлиди.

у мундақ деди:

«африқа өз тарихиниң йүкини билән йетәрлик дәриҗидә үстигә алди. шуңлашқа, һазир йеңи соғуқ урушниң мәркизи болушни халимайду. африқа әмди шериклирини үчүн муқимлиқ вә пурсәт билән тәминләшни халайду.»



مۇناسىۋەتلىك خەۋەرلەر