йавропа иттипақи: украинаға һәрбий йардәм бериш қарарини өктәбирдә чиқиришимиз мумкин

йавропа иттипақи ташқи мунасивәтләр вә бихәтәрлик сийасити алий вәкили җозеф борел украинаға һәрбий җәһәттин йардәм бериш қарарини өктәбир ейида чиқириш еһтималлиқлириниң барлиқини ейтти.

1882136
йавропа иттипақи: украинаға һәрбий йардәм бериш қарарини өктәбирдә чиқиришимиз мумкин

түркийә авази радийоси хәвири: бирләшкән дөләтләр тәшкилатиниң 77 – нөвәтлик омумий кеңәш йиғини үчүн нийу йоркта зийарәттә болуватқан борел, журналистларға күнтәртипкә алақидар байанатларни бәрди.

у, бу йәрдә қилған сөзидә, «украинадин експорт қилинған ашлиқниң көп қисминиң йавропа иттипақиға кәткәнликигә мунасивәтлик дәваларға җаваб берип мундақ деди: «украинадин екиспорт қилинған ашлиқниң көп қисми еһтийаҗлиқ дөләтләргә кәтти. санлиқ вә истатистикилиқ мәлуматларни көздин кәчүрсәңлар болиду. украинадин екиспорт қилинған ашлиқниң үчтин икки қисми африқа, оттура шәрқ вә асийаға кәтти.»

борел, йавропа иттипақиниң украинаға һәрбий җәһәттин йардәм бериш қарари һәққидә мундақ деди: «өктәбир ейида йавропа иттипақи ташқи ишлар министирлири йиғинида бу һәқтә қарар чиқиришимизни үмид қилимән. өктәбир ейида чақирилидиған ташқи ишлар министирлири йиғинида бир тәклип сунушимиз мумкин. бу наһайити тез нәтиҗилинидиған бир җәрйан болиду.»

у, украинаға қилинидиған һәрбий йардәмниң тәпсилати һәққидә мәлумат бәрмиди.



مۇناسىۋەتلىك خەۋەرلەر