блинкен әзәрбәйҗан вә әрменийә ташқи ишлар министирлири билән көрүшти

америка қошма иштатлири ташқи ишлар министири антони блинкен нийу йорк шәһиридә әзәрбәйҗан дипломатийә министири җәйһун байрамов вә әрменийә ташқи ишлар министири арарат мирзойан билән үч тәрәплик учришиш елип барди.

1882033
блинкен әзәрбәйҗан вә әрменийә ташқи ишлар министирлири билән көрүшти

түркийә авази радийоси хәвири: блинкен, бирләшкән дөләтләр тәшкилатиниң 77 – нөвәтлик омумий кеңәш йиғини даирисидә елип барған учришиш һарписида елан қилған байанатида, һәм әрменийә баш министири никол пашинйан һәмдә әзәрбәйҗан пирезиденти илһам әлийев билән ишқа ашурған йеқинқи көрүшүшлиридә, һәр икки рәһбәрниң өзигә тинчлиқ орнитишқа тәййар икәнликлирини ейтқанлиқини әскәртип мундақ деди: «күчлүк, сиҗил дипломатик арилишиш һәммә үчүн әң йахши йолдур. әрменийә билән әзәрбәйҗан оттурисидики ихтилапларни һәрбий йоллар арқилиқ һәл қилиш чариси йоқ. әмма мениңчә, ихтилапларни дипломатийә арқилиқ һәл қилғили болидиған узақ муддәтлик тинчлиқ йоли бар. америка бу тиришчанлиқларни қоллаш үчүн қолидин келишичә ғәйрәт көрситишкә тәййар.»

америка қошма иштатлири ташқи ишлар министирлиқи тәрипидин елан қилинған байанатта әскәртилишичә, блинкен, икки дөләт оттурисидики йеқинқи сүркиләшләрдин кейин тәрәпләр билән елип берилған тунҗи учришишида, тоқунушларда һайатидин айрилғанлар үчүн тәзийә билдүргән.

техиму көп тоқунушниң алдини елиш үчүн тинчлиқ мусаписигә қайтишни ишқа ашурушниң зөрүрлүкини тәкитлигән блинкен, кәспдашлири билән келәр қетим ташлинидиған қәдәмләрниң қандақ болуши һәққидә музакирә елип барған, һәмдә һәр икки министирни мушу ай ичидә қайта көрүшүшкә тәшвиқ қилған.



مۇناسىۋەتلىك خەۋەرلەر