éfil munarining chiraghliri baldur öchürüwitilidighan boldi

türkiye awazi radiyosi xewiri: parizh sheherlik hökümiti énérgiye téjesh pilani dairiside chiqarghan yéngi qararlar bilen éfil munarining chirighini shu yerning waqti kech saet 11:45 de  öchüridighanliqini élan qildi.  

parizh sheher bashliqi anni hidalgo twittérda sheherning énérgiye téjesh pilani heqqide bayanat élan qildi.

hidalgo parizhdiki barliq sheher binalirining chirighi shu yerning  waqti kech saet 10:00 da öchürülidighanliqini, emma parizhliqlarning bixeterliki üchün kocha chirighi öchürülmeydighanliqini bildürdi.

parizh sheher bashliqi éfil munarining chirighining hazir kéche saet 01:00 giche yéniq  turuwatqannliqini we buningdin kéyin kech saet 11:45 de  öchürülidighanliqini tekitlidi.

yashanghanlar sanatoriyesi, balilar baghchisi we shuninggha oxshash ammiwi imaretlerni hésabqa almighanda, bashqa barliq ammiwi binalarning témpératurasining tedrijiy töwenlitilidighanliqinimu eskertken hidalgo memuriy organlargha tewe binalarning bu yil (2022) qishta bir aydin kéchikip issitilidighanliqini uqturdi.

firansiye metbuatlirining xewirige qarighanda, parizhdiki ammiwi binalarning chirighini baldur öchürüsh  belgilimisi 23 - séntebirdin (2022) bashlap yolgha qoyulidiken.

parizhning barliq rayonliridiki sheherlik hökümet binaliri, muzéylar we égizliki 52 métir kélidighan saynt jak munariningmu chiraghliri baldur öchürülidiken.