somalida 500 ming bala ölüm xewipige duch kelmekte

türkiye awazi radiyosi xewiri: birleshken döletler teshkilati balilar fondi (UNICEF) bayanatchisi jeymis éldér, somalidiki ashliq kirizisi heqqide élan qilghan  bayanatida, somalidiki ashliq kirizisi sewebidin 500 ming balining ölüm xewipige duch kéliwatqanliqini eskertti.

somalidiki 2011 – yili yüz bergen ashliq kirizisida 340 ming balining yémek – ichmek qiyinchiliqigha duch kelgenlikini éytqan éldér, bu yilqi ashliq kirizisini «bu mushu esirde biz körüp baqmighan pajie» dep atidi.

igilinishiche, birleshken döletler teshkilati ashliq we yéza igilik komitétining sanliq melumatlirigha asaslanghanda, somalining % 80 ti éghir qurghaqchiliqqa duch kelgen.

somali hökümiti, tesir dairisi barghanséri kéngiyiwatqan qurghaqchiliq sewebidin, bultur noyabir éyida dölet miqyasida «jiddiy halet» élan qilghanidi.

dunya sehiye teshkilati, somalidiki insaniy tiragédiye üchün xelqara jemiyetni jiddiy yardemge chaqirghanidi.