كالىفورنىيەدە 16 مىڭ 500 گېكتاردىن ئارتۇق ئورمان كۆيۈپ كەتتى

تۈركىيە ئاۋازى رادىيوسى خەۋىرى: كالىفورنىيە ئىشتاتىنىڭ شىمالىغا جايلاشقان پلېيسېر شەھىرىگە قاراشلىق ئوكسبوۋ (Oxbow) ئويمانلىقىغا تۇتىشىدىغان موسكىتو يولىدا 6-سېنتەبىر باشلانغان ئوت ئاپىتى داۋام قىلماقتا.

پلېيسېر ۋە ئېل دورادو شەھەرلىرىگە قاراشلىق تۇرالغۇ رايونلارغا تەسىر قىلغان ئوت ئاپىتىدە، 16 مىڭ 500 گېكتاردىن ئارتۇق ئورمان كۈلگە ئايلاندى. 6 مىڭدىن ئارتۇق ئۆينىڭ ئوت ئاپىتىنىڭ تەسىرگە ئۇچرىغانلىقى ۋە 11 مىڭدىن ئارتۇق كىشىنىڭ ئۆيلىرىدىن ئايرىلىشقا مەجبۇر بولغانلىقى قەيت قىلىندى.

كالىفورنىيە ئورمان ئوت ئاپەتلىرى ئاگېنتلىقى ھازىرغىچە ئاپەتنىڭ پەقەت %10ىنىڭ كونترول قىلىغانلىقىنى، ئاپەتنىڭ ئەتراپتىكى باشقا شەھەرلەرگىمۇ تەسىر قىلىشى مۇمكىنلىكىنى بىلدۈردى.