pakistanning sind ölkiside mekteplerning % 40 i weyran boldi

türkiye awazi radiyosi xewiri: pakistan taratqulirining xewer qilishiche,  sind ölkisining herqaysi jaylirida 5 ming 619 mektep pütünley weyran bolghan, 12 ming mektep ziyangha uchrighan.

sind ölkisidiki mekteplerning % 40 iining weyran bolushi, 16 mingdin artuq mektepni ishletkili bolmaydighanliqidin dérek béridiken.

xewerlerde déyilishiche, weyran bolghan mekteplerdin sirt yene, 2 ming 500 din artuq mektep insanperwerlik yardem lagérlirigha aylandurulghan. kelkün apiti sewebidin tarqaqlashturulghan 65 mingdin artuq aile bu lagérlargha orunlashturulghan.

dairiler, bu ehwal sewebidin, döletlik mekteplerge tizimgha aldurush nisbitining % 50 töwenlep kétishi we minglarche balining oqushtin mehrum qélishidin endishe qilmaqta iken. shunga, dairiler, kelkün apitide talapetke uchrighan rayonlarda «lagér mektepliri» échip, bushluqni toldurushni  pilanlimaqta iken.

 pakistanda 14 – iyundin buyan dawamlishiwatqan kelkün apiti sewebidin 1396 kishi qaza qilghanidi. sind ölkiside bolsa 578 kishi ölgenidi.