пакистанниң синд өлкисидә мәктәпләрниң % 40 и вәйран болди

пакистанда йүз бәргән кәлкүн апити сәвәбидин, синд өлкисидики мәктәпләрниң % 40 и вәйран болди.

1878240
пакистанниң синд өлкисидә мәктәпләрниң % 40 и вәйран болди

түркийә авази радийоси хәвири: пакистан таратқулириниң хәвәр қилишичә,  синд өлкисиниң һәрқайси җайлирида 5 миң 619 мәктәп пүтүнләй вәйран болған, 12 миң мәктәп зийанға учриған.

синд өлкисидики мәктәпләрниң % 40 ииниң вәйран болуши, 16 миңдин артуқ мәктәпни ишләткили болмайдиғанлиқидин дерәк беридикән.

хәвәрләрдә дейилишичә, вәйран болған мәктәпләрдин сирт йәнә, 2 миң 500 дин артуқ мәктәп инсанпәрвәрлик йардәм лагерлириға айландурулған. кәлкүн апити сәвәбидин тарқақлаштурулған 65 миңдин артуқ аилә бу лагерларға орунлаштурулған.

даириләр, бу әһвал сәвәбидин, дөләтлик мәктәпләргә тизимға алдуруш нисбитиниң % 50 төвәнләп кетиши вә миңларчә балиниң оқуштин мәһрум қелишидин әндишә қилмақта икән. шуңа, даириләр, кәлкүн апитидә талапәткә учриған районларда «лагер мәктәплири» ечип, бушлуқни толдурушни  пиланлимақта икән.

 пакистанда 14 – ийундин буйан давамлишиватқан кәлкүн апити сәвәбидин 1396 киши қаза қилғаниди. синд өлкисидә болса 578 киши өлгәниди.



مۇناسىۋەتلىك خەۋەرلەر