ukrainadin 1 milyon tonnidin artuq ashliq yötkelgen

aqsaray dölet xewpsizlik kéngishi istratégiyelik uchur-alaqe diréktori kirbi, türkiye, rusiye, ukraina we b d t otturisida imzalanghan ashliq karidori kélishimining emeldin qaldurulidighanliqigha munasiwetlik héchqandaq alametning yoqluqini éytti.

1877884
ukrainadin 1 milyon tonnidin artuq ashliq yötkelgen

türkiye awazi radiyosi xewiri: amérika aqsaray dölet xewpsizlik kéngishi istratégiyelik uchur-alaqe diréktori jon kirbi zumda (Zoom) aqsaray muxbirlirining soallirigha jawab berdi.

u türkiye jumhur reisi rejep tayyip erdoghanning rusiye pirézidénti putinning ashliq yötkeshte toghra qilghanliqi we ashliqning kembeghel döletlerge emes, belki bay döletlerge ketkenliki toghrisidiki bayanatigha munasiwetlik soalgha jawab bergende, türkiye muressechilik qilghan mezkur kélishimning, pütkül dunyaning éhtiyajliq bolgha yémek-ichmek we oghutni dunya bazirigha sunghanliqini bildürdi.

u kélishim ijra qilinghandin buyan 1 milyon tonnidin artuq ashliq we uruqning ukrainadin dunya bazirigha kirgenlikini eskertti.

u mundaq dédi:

«bezi yémekliklerning bazargha kirishke téximu uzun waqit kétidu. dunya yémeklik pirogrammisi yemen we afriqa münggüzige tarqitish üchün ikki paraxotqa qachilanghan yémeklikni sétiwaldi. amérika buni emelge ashurush üchün dunya yémeklik pirogrammisigha 68 milyon dollar berdi. biz bu kélishimning muhimliqigha ishinimiz. biz alliburun kélishimning tesirlirini körüshke bashliduq.»

u bir muxbirning «sizningche bu kélishim buzulamdu?» dégen soaligha:

«biz bu kélishimning emeldin qaldurulidighanliqigha munasiwetlik héchqandaq alametni körmiduq. eksiche, biz shériklirimiz we ittipaqdashlirimiz bilen hemkarliship, kélishimning muweppeqiyetlik dawamlishishi üchün tirishimiz» dep jawab berdi.



مۇناسىۋەتلىك خەۋەرلەر