amérikaning F-35 tipliq ayropilanida xitaydin import qilinghan magnit bayqaldi
amérikaning F-35 tipliq ayropilanida xitaydin import qilinghan magnit bayqalghandin kéyin derhal ayropilan sétish we tapshurush xizmetlirini toxtatti.
türkiye awazi radiyosi xewiri: amérika F-35 tipliq ayropilan motorida ishlitilgen magnitlardin birining qétishmisining xitaydin import qilinghanliqini bayqighandin kéyin, ayropilan tapshurushni toxtatti.
ayropilanning asasliq ishlepchiqarghuchisi lokxid martin shirkitining bayanatida, ayropilanning turbiniliq motor pompisining biride ishlitilgen magnit qétishmisining xitaydin import qilinghanliqining éniqlanghanliqi bildürüldi.
bayanatta, ayropilanda ishlitilidighan matériyallarning kéreklik qanun-nizamlargha uyghun bolushigha kapaletlik qilish üchün ayropilanni amérika armiyiesi we xéridar döletlerge tapshurush xizmetlirining tonglitilghanliqi uqturuldi.
bayanatta ilgiri tapshurulghan we ishlitiliwatqan ayropilanlarning, buning tesirige uchrimighanliqi eskertildi.
