йеңи баш вәзир украина вә америка пирезидентлири билән көрүшти

әнглийәниң йеңи айал баш вәзири лиз трус (Liz Truss) тунҗи нутуқини лондонда сөзлиди.

1876815
йеңи баш вәзир украина вә америка пирезидентлири билән көрүшти

түркийә авази радийоси хәвири: йеңи айал баш вәзир лиз трус 47 йаш болуп, у нутуқида, енергийә киризисини һәл қилиш тоғрисида вәдә бәрди вә мушу һәптидә һәрикәткә өтидиғанлиқлирини билдүрди.

у йәнә, иқтисадий ешиш пилани үчүн баҗни төвәнлитидиғанлиқлирини вә ислаһат елип баридиғанлиқлирини тәкитлиди.

у 6-сентәбир (2022) кечидә йеңи кабент әзалирини елан қилди. йеңи һөкүмәттә, җеймес клевери (James Clevery) ташқи ишлар вәзири, сувелла браверман (SuellaBraverman) ички ишлар вәзири, кваси квартең (Kwasi Kwarteng) малийә вәзири болиду.

дөләт мудапиә вәзири бен валес (Ben Wallace) вәзиписини сақлап қалди.

йеңи айал баш вәзир нутуқини ахирлаштуруп, украина пирезиденти володимир зеленский билән телефонда көрүшти. у әнглийәниң украинани «толуқ қоллайдиғанлиқи» ни йәнә бир қетим тәкрарлиди.

у америка пирезиденти җо байдин билән телефонда көрүшкәндә, шималий иреландийәдә 1998-йилдин буйан давамлишиватқан тинчлиқни қоғдашниң муһим әһмийәткә игә икәнликини тәкитлиди.



مۇناسىۋەتلىك خەۋەرلەر