israiliye: süriyede yadro réaktorini weyran qilduq
israiliye armiyesi buningdin 15 yil ilgiri süriyede qurulushi dawamlishiwatqan bir yadro réaktorini weyran qilghanliqini uqturdi.
türkiye awazi radiyosi xewiri: israiliyening, süriyege ait qurulushi dawamlishiwatqan bir yadro réaktorigha hujum qilghanliqi, hujumgha munasiwetlik axbarat höjjetlirining mexpiyetlikni saqlash cheklimisining bikar qilinishidin kéyin otturigha chiqti.
israiliye armiyesi teripidin élan qilinghan bayanatta, buningdin 15 yil ilgiri süriyege qilinghan hawa hujumigha munasiwetlik axbarat höjjetlirining mexpiyetlikini saqlash cheklimisining tünügün bikar qilinghanliqi tekitlinip mundaq déyildi: «israiliye urush ayropilanliri, 2007 – yili 6 – séntebir küni, süriyening dir ezzur rayonidiki yadro réaktorini weyran qildi. hujum, israiliyening eyni waqittiki amérika qoshma ishtatliri pirézidénti jorj bush hökümiti bilen kéngishish netijiside élip bérildi.»
