ukraina yawropani gaz bilen teminleydu

ukraina bash ministiri dénis shmigal dölettiki 30 milyard kub métir tebiiy gaz zapisinining bir qismini yawropa ittipaqi döletlirige ewetidighanliqlirini éytti.

1876200
ukraina yawropani gaz bilen teminleydu

türkiye awazi radiyosi xewiri:ukraina bash ministiri dénis shmigal bélgiye paytexti biryussélda ötküzülgen yawropa ittipaqi-ukraina shériklik kéngishi yighinini axirlashturup, yawropa ittipaqi tashqi siyaset we xewpsizlik siyasiti aliy wekili josép borrél bilen birlikte axbarat élan qilish yighini ötküzdi.

u yawropa ittipaqining rusiyege bolghan énérgiye béqindiliqidin qutulushqa tirishiwatqanliqini bildürüp: «rusiyedin qiliniwatqan gaz importining muhim qismini teminliyeleymiz. hazir tebiiy gaz iskilatlirimizda 30 milyard kub métir gaz bar. buning bir qismini yawropadiki shériklirimizge ewetimiz» dédi.

yawropaning texminen 113 milyard kub métirliq tebiiy gaz iskilatlirida 91.1 milyard kub métir gaz bar bolup, yawropa döletliri yilliqi 400 milyard kub métir tebiiy gaz ishlitidu.

ukraina bash ministiri dénis shmigal, «rusiye <1-shimaliy éqim> turuba linyesidin gaz éqitishni toxtatti. bu yawropaning ukrainani qollishigha tesir yetküzemdu?» dégen soalgha: «bu rusiye yaymaqchi bolghan gep-sözler. rusiye hazir yawropagha qarshi gaz we néfittin paydilinip tehdit séliwatidu, yémek-ichmek we köch kirizisi peyda qiliwatidu, xata uchur tarqitip, tor hujumi qiliwatidu. ukrainada urushtin charchash hali bar, emma ukrainani rusiyening aldida yalghuz tashlap qoyush, rusiyening yawropagha téximu chongqur singip kirishining tunji qedimi bolup qalidu. yawropaning birdinbir qutulushi, özara ittipaqliship, G7 we ukraina bilen birlikte heriket qilish arqiliq emelge ashidu. bu yémek-ichmek üchün yaki gaz talonliri üchün qiliniwatqan urush emes, belki yawropaning qimmet ölchemliri, démokratiye we erkinlik üchün qiliniwatqan urushtur» dep jawab berdi.



مۇناسىۋەتلىك خەۋەرلەر