украина армийәси русийә армийәсидин 3 олтурақ районни қайтуруп алди

түркийә авази радийоси хәвири: украина пирезиденти володимир зеленский иҗтимаий алақә һесабатида һәмбәһирлигән синлиқ учурда күнтәртип үстидә тохталди.

зеленский русийәниң 2014 - йили қанунсиз һалда қошувалған қирим мәсилиси үстидиму тохтилип: «мән қиримға украина байриқиниң қадилидиғанлиқиға вә әркин турмушниң әслигә келидиғанлиқиға ишинимән. биз барлиқ земинлиримизни вә хәлқимизни азад қилимиз. украина армийәси, истихбарат тәшкилатимиз вә алаһидә органлиримиз буниң үчүн зөрүр болған қәдәмләрни ташлимақта. силәрму бу қәдәмләрни аңлийалайсиләр. ишғалийәтчиләр әмдиликтә қиримдин қечишқа башлиди. бу уларға нисбәтән тоғра таллаштур» деди.

зеленский иккиси украинаниң җәнубида, йәнә бирси шәрқидә болуп, җәмий үч олтурақ районниң русийә армийәсидин қайтурувелинғанлиқини билдүрүп, украина бихәтәрлик қисимлириға рәһмәт ейтти. әмма у қайтурувелинған олтурақ районларниң қәйәрдә икәнлики тоғрисида мәлумат бәрмиди.

йәнә бир тәрәптин, йәрлик мәтбуатларда орун алған хәвәрләргә асасланғанда, украина армийәси херсонға тәвә високопилйа йезиси вә донетсикқа қарашлиқ озерне йезисини русийә қайтуруп алған.

украина армийәси 29 – авғустта (2022) дөләтниң җәнубидики херсон районида русийә армийәсигә қарши қайтурма һуҗум башлиғанлиқини елан қилған иди.

русийә қисимлири (2022 – йили) 24 - февралда украинаға таҗавузчилиқ урушини башлиған иди.