pakistanda apetler sewebidin her xil késellikler köpeydi

türkiye awazi radiyosi xewiri: pakistan tebiy apetke taqabil turush agéntliqi yamghur sewebidin peyda bolghan kelkünlerde jénidin ayrilghanlarning sanini élan qildi.

bayanatta, 458 kichik bala, 262 ayalni öz ichige alghan 1314 kishining jénidin ayrilghanliqi, 12 ming 703 kishining yarilanghanliqi bildürüldi.

bildürülishiche, pakistanda 750 ming 405 tuyaq öy haywini kelkünlerde ölgen, 1 milyon 682 ming 726 öy buzghunchiliqqa uchrighan, bulardin 557 ming 891 öy pütünley weyran bolghan. 5 ming 735 kilométir uzunluqtiki yol, 246 köwrük we 173 karxana su astida qalghan. 33.4 milyon kishi höl-yighinning tesirige uchrighan bolup, 631 ming 824 kishi her qaysi jaylarda qurulghan chédirlarda yashimaqta iken.

pakistan sehiye dairiliri külkünning tesirige uchrighan yüz minglarche kishining pakize su bilen teminleshte körülgen qiyinchiliqlar sewebidin her xil késelliklerge duchar bolghanliqini élan qildi.

sind ishtatining sehiye ministiri doxtur azra péchuxo: «kelkün sewebidin 134 mingdin artuq kishide ichi sürüsh, 44 ming kishide bezgek we 100 mingdin artuq kishide tére késelliklirining körülgenliki doklat qilindi» dédi.