afghanistanda jüme namizi esnasida yüz bergen partlashta nurghun adem öldi

afghanistanning hérat wilayitide bir jamede jüme namizi esnada meydangha kelgen partlashta diniy alim mewliwi mujiburraxman ensari bilen birlikte 17 kishi hayatidin ayrildi, 23 kishi yarilandi.

1875199
afghanistanda jüme namizi esnasida yüz bergen partlashta nurghun adem öldi

türkiye awazi radiyosi xewiri: hérat wilayetlik bayanat ishliri bashqarmisining bildürüshiche, «güzergah jamesi» de jüme namizi esnasida meydangha kelgen adem bomba hujumida, pat - pat talibanni qizghin qollap élan qilghan bayanatliri bilen küntertipke kélidighan «güzergah jamesi» ning imami we teblighchisi diniy alim mewliwi mujiburraxman ensari hayatidin ayrilghan.

sehiye dairilirining bildürüshiche, hujumda, ensaridin sirt yene, 17 kishi hayatidin ayrilghan, 23 kishi yarilanghan bolup, ölgenler we yarilanghanlar sanining köpiyip kétishidin endishe qilinmaqta iken.

hujumning jawabkarliqini téxiche héchkim öz üstige almighan.

taliban bayanatchisi zebihullah mujahid, ammiwi ortaqlishish tor béti Twitter sehipiside élan qilghan bayanatida, ensarining ölümi tüpeyli qattiq epsuslinidighanliqlirini, jawabkarlarning tutulup, jazalandurulidighanliqini bildürdi.

hérdatta nahayiti chong bir medriseni bashquridighan we bu yerde dersler béridighan ensari, talibandin burunqi dewrdimu pat - pat afghanistan hökümitige qarita tenqidliri we talibanni qizghin qollap élan qilghan bayanatliri bilen küntertipke kelgenidi.



مۇناسىۋەتلىك خەۋەرلەر