xitayning chéngdu shehiri taqaldi

türkiye awazi radiyosi xewiri:sichüenning chéngdu shehirining wuxen wirusi sewebidin taqalghanliqi bildürüldi.

chéngdu shehiri guangdong ölkisidiki shénjén shehiridin kéyin, mushu hepte ichide karantin astigha élinghan ikkinchi chong sheher bolup qaldi.

chéngdu sheherlik hökümetning bu heqtiki bayanatida, 21 milyon nopusluq sheherde tünügün (2022-yili 1-séntebir) kechtin bashlap kochigha chiqishning cheklengenliki we töt kün boyiche kolléktip tekshürüshlerning qilinidighanliqi eskertildi.

puqralarning tekshürüshtin bashqa waqitlarda sirtqa chiqmasliq telep qilindi, her bir ailidin bir kishining kündilik turmush éhtiyaji üchün ruxset qilinidighanliqi qeyt qilindi.

sheherde kündilik turmush éhtiyajini qamdaydighan talla bazarliri, dorixanilar we top tarqitish shirketliridin bashqa, barliq karxana-shirketler waqitliq taqaldi, réstoran we ashxanilarning zakastin bashqa telepler üchün mulazimet qilishi meni qilindi.

yolgha qoyulghan tedbirler sewebidin 1-séntebirde 2022-2023-yilliq oqu-otushni bashlimaqchi bolghan mekteplerning échilishi kéchiktürüldi. sheherge kirish-chiqishlargha cheklime qoyuldi, ikki ayrodurumning 1000 gha yéqin ayropilan sepiri emeldin qalduruldi.