xelqara atom énérgiyesi orgini ümiki zaporizhya yadro éléktir istansisigha qarap yolgha chiqti

türkiye awazi radiyosi xewiri: xelqara atom énérgiyesi orgini reisi grossi zaporizhya yadro éléktir istansisigha qarap yolgha chiqishtin burun ukrainaning paytexti kiyéwda muxbirlargha bayanat bérip, ukrainada zaporizhya yadro éléktir istansisini nazaret qilidighan menggülük bir organ tesis qilishni ümid qilidighanliqini bayan qildi we sözini dawamlashturup: «bir jeng rayonigha, ishghal qiliwélinghan jaylargha qarap kétiwatimiz, bu peqet ruslarningla emes, ukrainaliqlarningmu küchlük kapaletlerni bérishini telep qilidu. biz buninggha muweppeq bolduq, hazir (zaporizhya yadro éléktir istansisi) terepke qarap yolgha chiimiz» dégenlerni qeyt qildi.

ukrainaning sherqiy jenubidiki zaporizhya yadro éléktir istansisi yawropadiki eng chong yadro éléktir istansisi bolup, alte yadro réaktorigha ige. éléktir énérgiyesi sighimi 5700 mégawat saetke yétidighan istansa ukraina omumiy tokining 20 pirsenti bilen teminleydu.

éléktir istansisi 4-mart ruslarning qoligha ötüp ketkenidi. nöwette rusiye armiyesining kontrolluqida turuwatqan istansisining etrapida zembirek hujumliri yüz bermekte. ukraina bilen rusiye hujumlar seweblik bir-birini eyiblimekte.

rusiye armiyesi 24-féwral ukrainagha bésip kirip, ishghal herikiti bashlighanidi.