مېكسىكادا قارا گۇرۇھلار ئوتتۇرىسىدىكى توقۇنۇشتا 8 شايكا ئەزاسى قازا قىلدى
مېكسىكانىڭ مىچوكان ئىشتاتىدا، تەشكىللىك جىنايەت گۇرۇھلىرى ئوتتۇرىسىدىكى توقۇنۇشتا 8 شايكا ئەزاسى قازا قىلدى.
تۈركىيە ئاۋازى رادىيوسى خەۋىرى: مېكسىكا مەتبۇئاتلىرىدىكى خەۋەرلەرگە ئاساسلانغاندا، مىچوكان ئىشتاتىغا قاراشلىق تۇزانتلا ناھىيەسى مەيدانىدا قارا گۇرۇھلار ئوتتۇرىسىدا قوراللىق توقۇنۇش يۈز بەرگەن.
بىر نەچچە سائەت داۋاملاشقان توقۇنۇشتا، 8 شايكا ئەزاسى قازا قىلغان ۋە رايونغا نۇرغۇن ساندا بىخەتەرلىك خادىملىرى يوللانغان.
قوراللىق توقۇنۇشتا نەچچە ئون ئۆي ۋە ئاپتوموبىل زىيانغا ئۇچرىغان.
ئىشتاتلىق تەپتىش مەھكىمىسىنىڭ باياناتىغا ئاساسلانغاندا، بۇ توقۇنۇش «ئەلپەز ئاكا-ئۇكىلار» ۋە «لا فامىلا مىچوكانا» ناملىق گۇرۇھلار ئوتتۇرىسىدا يۈز بەرگەن.
زوراۋانلىق ئەڭ كۆپ يۈز بېرىدىغان ئىشتاتلارنىڭ بىرسى بولغان مىچوكان، زەھەرلىك چېكىملىك ئەتكەسچىلىرىنىڭ كۈچ سىنىشىش مەيدانىغا ئايلىنىپ قالماقتا.
مۇناسىۋەتلىك خەۋەرلەر
ئىسرائىلىيە لىۋانغا ھاۋا ھۇجۇمى قوزغىدى
ئىسرائىلىيە ئارمىيەسى لىۋاننىڭ جەنۇبىغا كەڭ كۆلەملىك ھاۋا ھۇجۇمى قوزغىدى.