һиндистанда «пәмидур зукими» намлиқ йеңи бир вирус тарқилишқа башлиди
һиндистанниң кәрала вә одиша өлкилиридә 82 кичик балида «пәмидур зукими» байқалди.
түркийә авази радийоси хәвири: «лансет» журнили тәрипидин елан қилинған доклатта, бу йуқумлинишларниң тунҗи қетим кәрала өлкисигә қарашлиқ коллам шәһиридә көрүлгәнлики билдүрүлди.
доклатта вирусниң өлкигә қарашлиқ анчал, арийанкаву вә недуватур районлирида 5 йаштин төвән балиларда көрүлгәнлики уқтурулди.
буниңдин башқа йәнә, йуқумлиниш одиша өлкисидиму 1 йаштин 9 йашқичә болған 26 кичик балида байқалған вә йуқумланғучиларниң сани 82 кә йәткән.
мутәхәссисләр вирусниң наһайити асан тарқилидиғанлиқи һәққидә агаһландуруш елан қилди.
вирусниң «пәмидур зукими» дегән нами теридә пәйда болидиған қизил қапартмилардин елинған болуп, қизириш, йуқири дәриҗилик қизитма вә боғум ағриқини кәлтүрүп чиқиридикән.
бу вирусқа техичә давалаш чариси тепилмиғанлиқи билдүрүлмәктә.
