amérika-pakistan herbiy munasiwetliri muzakire qilindi

amérika we pakistan généralliri ikki dölet otturisidiki herbiy munasiwetlerni muzakire qildi.

1869893
amérika-pakistan herbiy munasiwetliri muzakire qilindi

türkiye awazi radiyosi xewiri: pakistan armiyesi amérika we pakistan générallirining ikki dölet otturisidiki herbiy munasiwetlerni muzakire qilghanliqi toghrisida bayanat élan qildi.

bayanatta bildürülishiche, pakistan quruqluq armiyesining qomandani kamar jawid bajya, amérika armiye merkiziy qomandanliq ishtabining qomandani mishél érik kurilla (Michael Erik Kurilla) rawalpindi shehiride körüshken.

körüshüshte, ikki dölet otturisidiki özara menpeet, rayon bixeterliki, muqimliq we mudapie saheliride hemkarliq ornitish mesililiri muzakire qilinghan.

pakistan armiyesining térrorluqqa qarshi körsitiwatqan tirishchanliqliri we armiyening rayon tinchliqi we muqimliqigha qoshuwatqan töhpilirimu tilgha élinghan körüshüshte yene, pakistan bilen amérika otturisidiki herbiy telim-terbiye pirogrammisi mesilisimu muzakire qilinghan.



مۇناسىۋەتلىك خەۋەرلەر