xitayni sel bésip, 16 kishi öldi we 36 kishi yoqap ketti
xitayning chingxey ölkiside qattiq yamghur keltürüp chiqarghan kelkün apitide 16 kishi ölüp, 36 kishi yoqap ketti.
türkiye awazi radiyosi xewiri: chingxey ölkisi apetni bashqurush idarisining bayanatigha asaslanghanda, etigen saetlerde ölke merkizi shining shehirige qarashliq datong xuy we tu aptonom nahiyeside kelkün apiti yüz bergen.
taghliq rayondiki aptonom nahiyede kelkün sewebidin ikkinchi derijilik agahlandurush signali élan qilinghan. hazirghiche 16 kishi qaza qilip, 36 kishi yoqap ketken.
chingxey ot öchürüsh we qutquzush tarmaqliri rayongha texminen 600 kishilik etretni izdesh-qutquzush herikiti üchün ewetken.
xitayning sherqiy we jenubi rayonlirigha éghir tesir körsetken issiq hawa dolquni sewebidin yéqinqi 60 yildin buyanqi eng yuqiri témpératura ruyxetke élindi.
himalaya téghining bir qismigha jaylashqan tibet chingxey égizlikide kelkün apitining yüz bérishi kilimat sharaitining pewquladde buzulghanliqini körsitip béridu.
