taylandta musulmanlar rayonida zenjirsiman partlash yüz berdi

tayland isyanchilirining musulmanlar nopusi zich bolghan üch sheherde, oxshash waqitta bomba partlitish we ot qoyup bérish hujumlirini peyda qilghanliqi bildürüldi.

1868862
taylandta musulmanlar rayonida zenjirsiman partlash yüz berdi

türkiye awazi radiyosi xewiri: tayland isyanchiliri musulmanlar zich topliship olturaqlashqan jenubtiki pattani, narasiwat we yala rayonliridiki üch ayrim sheherde oxshash waqitta bomba partlitish we ot qoyush hujumlirini peyda qildi.

tayland armiyesining bayanatchisi pramoté promin jenubtiki pattani, narasiwat we yala rayonlirida, bomba partlitish we ot qoyup bérish hujumlirida karxana we may qachilash ponkitilirini öz ichige alghan 17 orunning hujum nishanigha aylanghanliqini bildürdi.

héchqandaq teshkilat yaki shexslerning hujumlarning jawabkarliqini üstige almighanliqi, hujumlarda üch kishining yarilanghanliqi qeyt qilindi.

taylandning musulmanlar zich topliship olturaqlashqan pattani, yala we narasiwat rayonliri bilen songxalaning malayche sözlishidighan besh rayonida tunji qétim 1980-yillarning axirida otturigha chiqqan qarshiliq körsitish herikiti, 2004-yili qayta partlighan idi.

2004-yildin buyan yüz bergen zorawanliq weqeliride 7 ming 300 kishi jénidin ayrildi. saylam bilen barliqqa kelgen yinglak shinawatra hökümitining 2013-yili bashlighan tinchliq söhbetliri dölet ichidiki qarshiliqlar tüpeylidin shu yili toxtitilghan idi. emma, söhbetler 2014-yili général prayut chanocha bashchiliqidiki herbiy özgirishtin kéyin, prayut chanocha teripidin shertliri yéngilinip qaytidin dawam qilghan idi.

2020-yilining béshidin tartip hazirghiche terepler üch qétim intérnét arqiliq sinliq yighin ötküzdi.



مۇناسىۋەتلىك خەۋەرلەر