sudandiki kelkünde qaza qilghanlarning sani 75 ke yetti
sudanda shiddetlik yamghur keltürüp chiqarghan kelkün apitide hayatidin ayrilghanlarning sani 75 ke yetti.
1868798
türkiye awazi radiyosi xewiri: sudan xelq mudapie kéngishining bayanatida, 6-aydin buyan memliket miqyasida dawamlashqan shiddetlik yamghurning kelkün apetlirige seweb bolghanliqi bildürüldi. kelkünde qaza qilghanlar sanining 75 ke yetkenliki we, 30 kishining yarilanghanliqi uqturuldi.
bayanatta yene, kelkünde 21 ming 500 din artuq öyning ziyangha uchrighanliqi, 6 ming géktar déhqanchiliq yérining su astida qalghanliqi we 117 haywanning halak bolghanliqi qeyt qilindi.
sudanda her yili iyul éyidin öktebir éyighiche bolghan yamghur peslide, kelkün we su apiti sewebidin 100 din artuq kishi hayatidin ayriliip, onminglighan öy, xizmet orni we déhqanchiliq yerliri ziyangha uchrap kelmekte.
