polshada béliqlarning sirliq ölümi körüldi

türkiye awazi radiyosi xewiri: polsha odér deryasidiki béliqlarning keng kölemlik ölüshining sirini yéshish üchün chet el tejribixanilirigha iltimas sundi.

polsha kilimat we muhit ministiri anna moskwa (Anna Moskwa) twittérda élan qilghan bayanatida, derya süyidin élinghan ewrishkilerning chéxiye, gollandiye we engliyediki tejribixanilargha ewetilgenlikini éytti.

polsha we gérmaniye mutexessisliri ötken ayda (2022-yili iyul) mezkur deryada bayqalghan béliq ölümlirige, ikki dölette uzun yillardin buyan yüz bergen eng nachar tebiiy apet dep qarimaqta.

mesilining sirini yéshishta kéchikish bilen eyibliniwatqan polsha hökümiti, deryaning bulghinishigha mesul bolidighan kishi yaki organlargha éghir jaza bérilidighanliqini bildürdi.

polsha pazharni xadimliri hazirghiche deryadin 100 tonna ölgen béliqni chiqarghanliqlirini qeyt qildi.

odér deryasida béliqlarning keng kölemlik ölüsh hadisisi iyulning (2022) axirlirida, polshaning gherbiy jenubidiki béliqchilar teripidin bayqalghan idi.