erméniyediki partlashta qaza qilghanlarning sani 16 ge yetti, 10 kishidin xewer yoq
erméniyening paytexti yéréwanda aldinqi küni bir soda-sarayning étilghaq satidighan dukinida yüz bergen partlashta qaza qilghanlarning sani 16 ge yetti.
türkiye awazi radiyosi xewiri: <Armenpress> gézitining xewerige asaslanghanda, erméniye jiddiy heletlerge taqabil turush ministirliqining bayanatchisi hayk kostanyan partilashta qaza qilghan 16 kishidin 13 ining kimliki éniqlanghanliqini éytqan.
kostanyan éniqlanghanlarning ichide hamildar ayal we bir kichik balining barliqini, hemde yoqap ketken 10 kishidin téxiche xewer yoqluqini bildürgen.
14- - awghustta soda sarayda yüz bergen shiddetlik partlashtin kéyin, ot apiti yüz bérip, bina xarabiliki astida qalghan ademlerning barliqi bildürülgen idi.
yene bir tereptin, döletlik krizisni kontrol qilish merkizining xewirige asaslanghanda, bügün , shu yerning waqti 10:05 de, yérawandiki métro béketlirini hujum nishani qilghan bomba tehditi uchuri yétip keldi.
wogzalgha jiddiy heletlerge taqabil turush ministirliqining K9 etriti we bomba bir terep qilish etriti ewetildi.
izdesh meshghulati tamamlanghuche barliq béketlerning taqalghanliqi élan qilindi.
