әрменийәдики партлашта қаза қилғанларниң сани 16 гә йәтти, 10 кишидин хәвәр йоқ

әрменийәниң пайтәхти йереванда алдинқи күни бир сода-сарайниң етилғақ сатидиған дукинида йүз бәргән партлашта қаза қилғанларниң сани 16 гә йәтти.

1868465
әрменийәдики партлашта қаза қилғанларниң сани 16 гә йәтти, 10 кишидин хәвәр йоқ

түркийә авази радийоси хәвири: <Armenpress> гезитиниң хәвәригә асасланғанда, әрменийә җиддий һәләтләргә тақабил туруш министирлиқиниң байанатчиси һайк костанйан партилашта қаза қилған 16 кишидин 13 иниң кимлики ениқланғанлиқини ейтқан.

костанйан ениқланғанларниң ичидә һамилдар айал вә бир кичик балиниң барлиқини, һәмдә йоқап кәткән 10 кишидин техичә хәвәр йоқлуқини билдүргән.

14- - авғустта сода сарайда йүз бәргән шиддәтлик партлаштин кейин, от апити йүз берип, бина харабилики астида қалған адәмләрниң  барлиқи билдүрүлгән иди.

йәнә бир тәрәптин, дөләтлик кризисни контрол қилиш мәркизиниң хәвиригә асасланғанда, бүгүн , шу йәрниң вақти 10:05 дә, йеравандики метро бекәтлирини һуҗум нишани қилған бомба тәһдити учури йетип кәлди.

вогзалға җиддий һәләтләргә тақабил туруш министирлиқиниң K9 әтрити вә бомба бир тәрәп қилиш әтрити әвәтилди.

издәш мәшғулати тамамланғучә барлиқ бекәтләрниң тақалғанлиқи елан қилинди.



مۇناسىۋەتلىك خەۋەرلەر